Reliance SBI Card ના ફાયદા જાણીને વપરાશકર્તાઓ ચોકી જશે, દર મહિને મફત મૂવી ટિકિટો અને આ સિવાય પણ ઘણું બધું….
SBI કાર્ડ અને રિલાયન્સ રિટેલે સંયુક્ત રીતે નવું કો-બ્રાન્ડેડ ક્રેડિટ કાર્ડ લોન્ચ કર્યું છે. આ કાર્ડનું નામ ‘રિલાયન્સ એસબીઆઈ કાર્ડ (Reliance SBI Card)’ છે. આ કાર્ડ બે વેરિઅન્ટમાં ઉપલબ્ધ છે. રિલાયન્સ એસબીઆઈ કાર્ડ (Reliance SBI Card) અને રિલાયન્સ એસબીઆઈ કાર્ડ પ્રાઇમ (Reliance SBI Card Prime). રિલાયન્સ રિટેલ ઇકોસિસ્ટમમાં સ્ટોર પર બંને કાર્ડ વડે ચૂકવણી કરવા પર તમને મોટા લાભો અને રિવોર્ડ પોઈન્ટ્સ મળશે. બંને કાર્ડ પર અલગ-અલગ ઑફર્સ ઉપલબ્ધ હશે. જેની વિગતવાર માહિતી નીચે પ્રમાણે છે.
આ પણ વાંચો: 1 નવેમ્બરથી લાગુ થયાં 8 મોટાં ફેરફારો; બેંક, ગેસ, વીમા પોલીસી, GST વગેરેના નિયમોમાં થયા મોટાં ફેરફારો
રિલાયન્સ રિટેલ અને SBI કાર્ડ એ ભાગીદારીમાં પ્રવેશ કર્યો છે જેનો હેતુ ગ્રાહકોને વિશેષ લાભ આપવાનો છે. આ ભાગીદારી હેઠળ, રિલાયન્સ રિટેલ ગ્રાહકો SBI કાર્ડના વિશાળ નેટવર્કનો લાભ લઈ શકે છે, જે તેમને વિશિષ્ટ મુસાફરી અને મનોરંજન લાભો જેવા વિશાળ શ્રેણીના લાભોની ઍક્સેસ આપે છે.
રિલાયન્સ SBI કાર્ડ શુલ્ક
રિલાયન્સ SBI કાર્ડની જોઇનિંગ ફી રૂ. 499 છે, જેમાં ટેક્સ શામેલ નથી. વાર્ષિક ફી રૂ. 499 + ટેક્સ છે. જો તમે 1 લાખ રૂપિયાનો ખર્ચ કરશો તો વાર્ષિક ફી માફ કરવામાં આવશે. વેલકમ ઓફર હેઠળ, તમને 500 રૂપિયાનું રિલાયન્સ રિટેલ વાઉચર મળશે. રિલાયન્સ બ્રાન્ડ માટે 3200 રૂપિયાનું ડિસ્કાઉન્ટ વાઉચર ઉપલબ્ધ થશે. આ કાર્ડ સાથે લાઉન્જ લાભો ઉપલબ્ધ રહેશે નહીં.
રિલાયન્સ SBI કાર્ડ પ્રાઇમ શુલ્ક
રિલાયન્સ SBI કાર્ડ પ્રાઇમની જોઇનિંગ ફી રૂ. 2999 + ટેક્સ છે. આ સિવાય વાર્ષિક ફી પણ એટલી જ છે. 3 લાખ રૂપિયા ખર્ચ્યા બાદ વાર્ષિક ફી માફ કરવામાં આવશે. સ્વાગત ઑફર હેઠળ, તમને 3000 રૂપિયાનું રિલાયન્સ રિટેલ વાઉચર મળશે. રિલાયન્સની વિવિધ બ્રાન્ડ માટે રૂ. 11,999ના ડિસ્કાઉન્ટ વાઉચર્સ ઉપલબ્ધ થશે. આ કાર્ડ પર 8 સ્થાનિક અને 4 આંતરરાષ્ટ્રીય એરપોર્ટના લાઉન્જ લાભો ઉપલબ્ધ થશે. તમને દર મહિને 250 રૂપિયાની મૂવી ટિકિટ ફ્રીમાં મળશે.
આ કાર્ડ રિસાયકલ પ્લાસ્ટિકનું બનેલું છે અને તેને RuPay પ્લેટફોર્મ પર રજૂ કરવામાં આવ્યું છે. કાર્ડધારકો રિલાયન્સની અગ્રણી રિટેલ બ્રાન્ડ્સ જેમ કે રિલાયન્સ સ્માર્ટ, સ્માર્ટ બજાર, રિલાયન્સ ફ્રેશ સિગ્નેચર, રિલાયન્સ ડિજિટલ, રિલાયન્સ ટ્રેન્ડ્સ, JioMart, Ajio, Reliance Jewels, Urban Ladder, Netmeds અને અન્ય ઘણી બધી જગ્યાએ ક્રેડિટ કાર્ડનો ઉપયોગ કરી શકે છે.
