ભારતીય ટીમ બેંગલુરુના એમ ચિન્નાસ્વામી સ્ટેડિયમમાં 3 ડિસેમ્બરે ઓસ્ટ્રેલિયા સામે શ્રેણીની છેલ્લી T20 મેચ રમશે. ભારતે આ શ્રેણીમાં 3-1ની અજેય સરસાઈ મેળવી લીધી છે. આ મેચમાં ટીમ ઈન્ડિયાના ઓપનિંગ બેટ્સમેન ઋતુરાજ ગાયકવાડની નજર વિરાટ કોહલીના એક મોટા રેકોર્ડ પર રહેશે. કોહલીએ 2014માં આ રેકોર્ડ બનાવ્યો હતો. ત્યારથી, તે પોતે પણ તેને તોડી શક્યો નથી, પરંતુ ઋતુરાજ પાસે તેને તોડવાની મોટી તક છે.
ટીમ ઈન્ડિયા માટે ટી20 સિરીઝ અથવા ટૂર્નામેન્ટમાં સૌથી વધુ રન બનાવનાર બેટ્સમેન વિરાટ કોહલી છે. કોહલીએ 2014 T20 વર્લ્ડ કપમાં 319 રન બનાવ્યા હતા. ત્યારથી, તે પોતે પણ આ રેકોર્ડ તોડી શક્યો નથી. હવે ઋતુરાજ પાસે તેને તોડવાનો મોકો છે. જો કે આ માટે તેણે મોટી ઇનિંગ્સ રમવી પડશે.
ઋતુરાજે વર્તમાન શ્રેણીમાં 213 રન બનાવ્યા છે. કોહલીના આ રેકોર્ડને તોડવા માટે તેણે છેલ્લી મેચમાં વધુ 107 રન બનાવવા પડશે. આમ કરવાથી તે ટી20 શ્રેણી અથવા ટૂર્નામેન્ટમાં ભારત માટે સૌથી વધુ રન બનાવનાર ખેલાડી બની જશે.
T20 શ્રેણી અથવા ટૂર્નામેન્ટમાં સૌથી વધુ રન બનાવનાર ભારતીય બેટ્સમેન
વિરાટ કોહલી – 319 રન (2014 T20 વર્લ્ડ કપ)
વિરાટ કોહલી – 296 રન (2022 T20 વર્લ્ડ કપ)
વિરાટ કોહલી – 276 રન (એશિયા કપ 2022)
વિરાટ કોહલી – 273 રન (2016 T20 વર્લ્ડ કપ)
સૂર્યકુમાર યાદવ – 239 રન (2022 T20 વર્લ્ડ કપ)
વિરાટ કોહલી – 231 રન (2021 vs ઈંગ્લેન્ડ)
ગૌતમ ગંભીર – 227 રન (2007 T20 વર્લ્ડ કપ)
કેએલ રાહુલ – 224 રન (2020 વિ. ન્યુઝીલેન્ડ)
સુરેશ રૈના – 219 રન (2010 T20 વર્લ્ડ કપ)
રૂતુરાજ ગાયકવાડ – 213* રન (વર્તમાન ઓસ્ટ્રેલિયા શ્રેણી)
તમને જણાવી દઈએ કે વર્તમાન 5 મેચોની T20 સિરીઝમાં રૂતુરાજ ગાયકવાડ સૌથી વધુ રન બનાવનાર બેટ્સમેન છે. તેણે અત્યાર સુધીમાં 71ની એવરેજ અને 166.41ની સ્ટ્રાઈક રેટ સાથે 213 રન બનાવ્યા છે. તેણે પોતાના બેટથી 1 સદી ફટકારી છે. 4 મેચમાં તેના બેટમાંથી 19 ચોગ્ગા અને 10 છગ્ગા પણ આવ્યા છે. ભારતીય કેપ્ટન સૂર્યકુમાર યાદવ બીજા નંબર પર છે. તેણે 139 રન બનાવ્યા છે.
