ભારતીય કેપ્ટન રોહિત શર્મા વર્લ્ડ કપ 2023 દરમિયાન શાનદાર ફોર્મમાં છે. આ ટૂર્નામેન્ટ દરમિયાન જ તેણે સૌથી વધુ આંતરરાષ્ટ્રીય સિક્સર ફટકારવાનો રેકોર્ડ બનાવ્યો હતો.
રોહિત શર્મા યુનિવર્સ બોસ ક્રિસ ગેલને હરાવીને વિશ્વનો સિક્સર કિંગ બન્યો. હવે આ ટૂર્નામેન્ટ દરમિયાન તેણે વધુ એક ચમત્કાર કર્યો છે. રોહિત શર્માએ સિક્સરનો વધુ એક વર્લ્ડ રેકોર્ડ બનાવ્યો અને ફરીથી ક્રિસ ગેલને પાછળ છોડી દીધો.
રોહિત શર્મા હવે એક વર્ષમાં વનડેમાં સૌથી વધુ સિક્સર મારનાર સંયુક્ત ખેલાડી બની ગયો છે. આ મામલે તેણે શ્રી 360 ડિગ્રી એબી ડી વિલિયર્સની બરાબરી કરી લીધી છે. એબીડીએ 2015માં આખા વર્ષમાં કુલ 58 સિક્સર ફટકારી હતી.
જ્યારે રોહિત શર્માએ વર્ષ 2023માં 23 ઇનિંગ્સ રમીને ડી વિલિયર્સના રેકોર્ડની બરાબરી કરી લીધી છે. જો કે, આ વર્ષ હજુ ચાલી રહ્યું છે અને નિશ્ચિતપણે પ્રથમ સ્થાન પર રોહિતનું જ શાસન રહેશે અને તે ડી વિલિયર્સને પણ પાછળ છોડી દેશે.
રોહિત શર્મા આ વર્લ્ડ કપ દરમિયાન શાનદાર બેટિંગ કરતો જોવા મળ્યો છે. તેણે 8 મેચની 8 ઇનિંગ્સમાં 442 રન બનાવ્યા છે અને તેની સ્ટ્રાઇક રેટ પણ 120થી ઉપર રહી છે. તે ટૂર્નામેન્ટનો ચોથો સૌથી વધુ રન બનાવનાર ખેલાડી પણ છે. દક્ષિણ આફ્રિકા સામે, તેણે 24 બોલમાં ઝડપી 40 રન બનાવ્યા અને બે છગ્ગા ફટકારીને ડી વિલિયર્સની બરાબરી કરી. આ આખી ટૂર્નામેન્ટમાં પણ તેના નામે સૌથી વધુ 22 સિક્સર છે.
