ટુંક સમયમાં જ નવા વર્ષની શરૂઆત સાથે દેશમાં ઘણા નાણાકીય ફેરફારો જોવા મળશે, જેમાંથી કેટલાક બોજ વધારનાર ફેરફારો સાબિત થઈ શકે છે, જ્યારે કેટલાક ફેરફારો લોકો માટે ફાયદાકારક સાબિત થશે.
વર્ષ 2024 સમાપ્ત થવામાં માત્ર છ દિવસ બાકી છે અને દેશભરમાં નવા વર્ષ 2025ની શરૂઆતની તૈયારીઓ શરૂ થઈ ગઈ છે. નવા વર્ષની સાથે દેશમાં 1લી જાન્યુઆરી 2025થી ઘણા મોટા ફેરફારો લાગુ થવા જઈ રહ્યા છે જેની અસર દરેક ઘર અને દરેક ખિસ્સામાં જોવા મળશે.
આ ફેરફારોમાં રસોડામાં ઉપયોગમાં લેવાતા એલપીજી સિલિન્ડરની કિંમતોથી લઈને UPI પેમેન્ટ સુધીના નિયમોનો સમાવેશ થાય છે.
1. UPIના નિયમોમાં ફેરફાર
દેશમાં દર મહિને અનેક નાણાકીય ફેરફારો જોવા મળે છે અને માત્ર નવો મહિનો જ નહીં પરંતુ 1 જાન્યુઆરીથી નવું વર્ષ પણ શરૂ થવા જઈ રહ્યું છે.
દેશમાં વર્ષના પહેલા દિવસથી જ પાંચ મોટા ફેરફારો લાગુ થવા જઈ રહ્યા છે. સૌ પ્રથમ, એલપીજી સિલિન્ડરની કિંમતો અને ઉડ્ડયન બળતણમાં સુધારો કરવામાં આવશે. કારણ કે ઓઈલ માર્કેટિંગ કંપનીઓ મહિનાના પહેલા દિવસે આ ફેરફારો કરે છે.
UPI 123Pay પેમેન્ટના નિયમો પણ 1લી જાન્યુઆરીથી લાગુ થવા જઈ રહ્યા છે. તેથી EPFO પેન્શનરો માટે લાવવામાં આવેલ નવો નિયમ પણ આજ દિવસથી લાગુ થશે. આ ઉપરાંત ખેડૂતોને ગેરંટી વગરની લોન પણ આ યાદીમાં સામેલ છે.
2. LPGના ભાવ
દર મહિનાની પ્રથમ તારીખની જેમ, 1 જાન્યુઆરી, 2025 ના રોજ, ઓઇલ માર્કેટિંગ કંપનીઓ રસોડા અને કોમર્શિયલ એલપીજી ગેસના ભાવમાં સુધારો કરશે અને નવા દરો જાહેર કરશે.
કંપનીઓએ છેલ્લા કેટલાક સમયથી 19 કિલોના કોમર્શિયલ એલપીજી સિલિન્ડરના ભાવમાં ઘણા ફેરફાર કર્યા છે, પરંતુ દેશમાં 14 કિલોના કિચન સિલિન્ડરની કિંમતો લાંબા સમયથી સ્થિર છે.
આવી સ્થિતિમાં આ વખતે લોકો તેની કિંમતમાં ફેરફારની આશા રાખી રહ્યા છે. આ સિવાય એર ફ્યુઅલની કિંમતોમાં પણ ફેરફાર જોવા મળી શકે છે.
3. EPFOનો નવો નિયમ
નવા વર્ષના પ્રથમ દિવસે, 1 જાન્યુઆરી, 2025, કર્મચારી ભવિષ્ય નિધિ સંગઠન એટલે કે EPFO દ્વારા પેન્શનરો માટે એક નવો નિયમ લાગુ કરવામાં આવશે, જે તેમના માટે એક મોટી ભેટ છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
વાસ્તવમાં, EPFO નવા વર્ષમાં પેન્શનધારકો માટે એક મોટો ફેરફાર કરવા જઈ રહ્યું છે, જેના હેઠળ હવે પેન્શનધારકો દેશની કોઈપણ બેંકમાંથી તેમની પેન્શનની રકમ ઉપાડી શકશે અને આ માટે તેમને કોઈ વધારાના વેરિફિકેશનની જરૂર નહીં પડે.
4. UPI 123Pay ના નિયમો
rule change from 1st January : UPI 123Pay ને રિઝર્વ બેંક ઓફ ઈન્ડિયા (RBI) દ્વારા ફીચર ફોન્સથી ઓનલાઈન પેમેન્ટની સુવિધા પૂરી પાડવા માટે લોન્ચ કરવામાં આવી હતી. તેની ટ્રાન્ઝેક્શન લિમિટ વધારવાનો નિર્ણય લેવામાં આવ્યો છે, જે 1 જાન્યુઆરીથી લાગુ થશે.
આ પછી યુઝર્સ હવે 10,000 રૂપિયા સુધીનું ઓનલાઈન પેમેન્ટ કરી શકશે. પહેલા આ મર્યાદા માત્ર 5,000 રૂપિયા હતી.
5. શેર બજાર સંબંધિત નિયમો
સેન્સેક્સ, સેન્સેક્સ-50 અને બેન્કેક્સની માસિક એક્સપાયરીમાં ફેરફાર કરવામાં આવ્યા છે. હવે તે દર અઠવાડિયે શુક્રવાર નહીં પરંતુ મંગળવારે યોજાશે.
જ્યારે ત્રિમાસિક અને અર્ધવાર્ષિક કરાર છેલ્લા મંગળવારે સમાપ્ત થશે. બીજી તરફ, NSE ઇન્ડેક્સે નિફ્ટી 50 માસિક કોન્ટ્રાક્ટ માટે ગુરુવાર નક્કી કર્યો છે.
