જો તમે મધ્યમ વર્ગના પરિવારમાંથી આવો છો, અને સસ્તી પણ સારી માઇલેજ આપતી કાર ખરીદવાનું વિચારી રહ્યા છો, તો આજે અમે તમારા માટે કેટલાક એવા કાર વિકલ્પો લાવ્યા છીએ, જેના દ્વારા તમે ઓછા બજેટમાં સસ્તી પણ સારી કાર ઘરે લાવી શકો છો.
ભારતમાં ઘણી ઓટોમોબાઈલ કંપનીઓ છે, જે ઓછા બજેટમાં શ્રેષ્ઠ માઈલેજ આપતા વાહનોનું ઉત્પાદન કરે છે. તેમાં ટાટા અને મારુતિ સુઝુકીનું નામ સૌથી પહેલા આવે છે. ચાલો જાણીએ તે કાર વિશે.
ટાટા ટિયાગો
આ યાદીમાં પહેલું નામ ટાટા કંપનીની ટિયાગોનું છે. આ એક બજેટ ફ્રેન્ડલી કાર છે, જે કોઈપણ મધ્યમ વર્ગના પરિવાર માટે શ્રેષ્ઠ વિકલ્પ છે.
કંપનીએ આ કારમાં 1.2-લિટર પેટ્રોલ એન્જિનનો વિકલ્પ આપ્યો છે, જે 86bhp ની મહત્તમ શક્તિ અને 113nm નો પીક ટોર્ક જનરેટ કરવાની શક્તિ ધરાવે છે. ટાટાએ આ કારમાં CNG પાવરટ્રેનનો વિકલ્પ પણ આપ્યો છે. બજારમાં આ કારની શરૂઆતની કિંમત 4 લાખ 99 હજાર રૂપિયા છે.
મારુતિ સુઝુકી અલ્ટો K10
આ યાદીમાં મારુતિ સુઝુકી અલ્ટો K10 બીજા સ્થાને છે. આ એક બજેટ ફ્રેન્ડલી કાર પણ છે. આ કારમાં 1-લિટર ડ્યુઅલ જેટ પેટ્રોલ એન્જિનનો વિકલ્પ છે, જે 67PS પાવર અને 89Nm ટોર્ક જનરેટ કરવાની ક્ષમતા ધરાવે છે.
આ કારમાં 5-સ્પીડ મેન્યુઅલ ટ્રાન્સમિશન અથવા વૈકલ્પિક AMT ટ્રાન્સમિશન મળે છે. આ કારની બજારમાં કિંમત 4.09 લાખ રૂપિયાથી શરૂ થાય છે.
મારુતિ સુઝુકી એસ-પ્રેસો
મારુતિ સુઝુકીની એસ-પ્રેસો પણ બજેટ ફ્રેન્ડલી કારમાં સામેલ છે. કંપનીએ આ કાર ખાસ કરીને ઓછા બજેટવાળા ગ્રાહકો માટે લોન્ચ કરી છે. આ કારની એક્સ-શોરૂમ કિંમત 4.26 લાખ રૂપિયાથી શરૂ થાય છે. આ કારમાં મારુતિ સુઝુકી અલ્ટો K10 ના એન્જિનનો પણ ઉપયોગ કરવામાં આવ્યો છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
મારુતિ સુઝુકી સેલેરિયો
મારુતિની સેલેરિયો પણ એક બજેટ ફ્રેન્ડલી કાર છે, જે મધ્યમ વર્ગના લોકોને ખૂબ જ પસંદ છે. આ કારમાં 1.0-લિટર પેટ્રોલ એન્જિન છે, જે 67bhp ની મહત્તમ શક્તિ અને 89nm નો પીક ટોર્ક જનરેટ કરવાની શક્તિ ધરાવે છે. બજારમાં આ કારની શરૂઆતની કિંમત 5 લાખ 36 હજાર રૂપિયાથી શરૂ થાય છે.
