તમારી એક સુંદર સ્માઇલ તમારા આખા લુકમાં ચાર ચાંદ લગાવી દે છે. તમારા દાંત મોતી જેવા ચમકતા હોય તો ખૂબ જ સારા લાગે છે.
પરંતુ ઘણીવાર લોકો સાથે એવું થાય છે કે તેમના દાંત પર પીળુ લેયર ચડી જાય છે અને તેના કારણે અન્ય લોકો સામે તેમણે શરમમાં મુકાવું પડે છે. ઘણીવાર ખાન-પાનની આદતો અને ઓરલ હેલ્થનું ધ્યાન ન રાખવાના કારણે પણ આવું થાય છે.
જણાવી દઈએ કે, દાંત પર ચડેલા પીળા લેયરને પ્લેક કહેવામાં આવે છે. જો પ્લેકને લાંબા સમય સુધી સાફ ન કરવામાં આવે તો તે ટાર્ટરના રૂપમાં દાંત પર જમા થઈ જાય છે અને પેઢાના નબળા પાડીને તેને ખરાબ કરી દે છે.
દાંતની યોગ્ય રીતે સફાઈ ન કરવાથી પાયોરિયા, પેઢામાંથી લોહી આવવું અને ઇન્ફેક્શન જેવી સમસ્યાઓ થઈ શકે છે. દાંતને સફેદ બનાવવા અને જામેલા પીળા લેયરને સાફ કરવા માટે માર્કેટમાં ઘણા પ્રકારની ટૂથપેસ્ટ અને અન્ય વસ્તુઓ મળે છે.
પરંતુ તે કંઈ ખાસ કમાલ નથી બતાવતા. જો તમે દાંતને નેચરલી વ્હાઇટ બનાવવા માગો છો તો તમે ઘરે બનાવેલી ટૂથપેસ્ટનો ઉપયોગ કરી શકો છો.
દાંતની પીળાશ હટાવવા ઘરે બનાવો આ ટૂથપેસ્ટ
પાકેલા કેળાની છાલનો ઉપયોગ પણ દાંત પર જામેલું પીળું લેયર હટાવવા માટે કરી શકાય છે. કેળાની છાલની અંદરના સફેદ રંગના ભાગને કોઈ ચમચીની મદદથી ઘસીને બહાર કાઢી લો. હવે તેમાં થોડો બેકિંગ સોડા લઈને બંનેને સારી રીતે મિક્સ કરી લો. તમારી ટીથ વ્હાઇટનિંગ ટૂથપેસ્ટ બનીને તૈયાર છે. આ પેસ્ટથી રોજ તમારા દાંતને સાફ કરો અને કોગળા કરી લો.
દાંતની પીળાશ હટાવવાના અન્ય નુસખા
બેકિંગ સોડા
બેકિંગ સોડા દાંતને ચમકદાર બનાવવામાં ખૂબ જ અસરકારક માનવામાં આવે છે. બેકિંગ સોડા તમારા દાંત પર ફસાયેલા ટાર્ટરને દૂર કરવામાં પણ મદદ કરી શકે છે.
નાળિયેર તેલ અસરકારક
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
નારિયેળ તેલ પણ દાંતની પીળાશ દૂર કરવામાં કારગર સાબિત થઈ શકે છે. આ માટે તમારી આંગળીઓ વડે નારિયેળનું તેલ દાંત પર ઘસો અને પાણીથી ધોઈ લો. જો તમે ઈચ્છો તો આ પછી બ્રશ પણ કરી શકો છો. નાળિયેર તેલમાં હાજર લૌરિક એસિડ પ્લેકનું કારણ બનેલા બેક્ટેરિયાને દૂર કરીને દાંતને સફેદ કરવામાં મદદ કરે છે.
નારંગીની છાલ પીળાશ દૂર કરશે
નારંગીની છાલનો ઉપયોગ દાંત સાફ કરવા માટે પણ કરી શકાય છે. તેના માટે આ છાલને થોડીવાર તડકામાં સૂકવી દો. હવે સૂકી છાલનો પાઉડર તૈયાર કરો. આ પાઉડરને પાણીમાં મિક્સ કરીને પેસ્ટ બનાવો અને તેને બ્રશની મદદથી દાંત પર સારી રીતે ઘસો.
આ પાઉડર દાંતમાંથી પીળાશ દૂર કરવામાં ખૂબ જ ઝડપી પરિણામો દર્શાવે છે. તે જ સમયે, જો તમે આ નુસખાને નિયમિતપણે અપનાવો છો, તો તે તમને થોડા દિવસોમાં પ્લેકને દૂર કરવામાં મદદ કરી શકે છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
