આપણી રોજની જીવનશૈલીમાં ચા મહત્વનું સ્થાન ધરાવે છે. સવારની શરૂઆત જ ચા પીવાથી થાય છે અને સાંજે પણ ગરમાગરમ ચા પીવી દરેકને ગમે છે. ચા પીવાથી કેટલાક લોકોને સમસ્યાઓ પણ થતી હોય છે. જો આ સમસ્યા ન થાય તેવી ઈચ્છા હોય તો ચા પીતા પહેલા પાણી પીવું તેવી આદત પાડી લો.
ચા પીધા પછી તુરંત પાણી પીવું હાનિકારક છે પરંતુ ચા પીતા પહેલા પાણી પી લેવું ફાયદાકારક સાબિત થશે. જો તમે ચા પીતા પહેલા પાણી પીવાની આદત પાડી લેશો તો શરીરની ઘણી બધી સમસ્યાઓ દવા વિના જ મટવા લાગશે.
ચા પહેલા પાણી પીવાથી થતા ફાયદા
– ચા પીતા પહેલા પાણી પી લેવાથી શરીરની પાણીની જરૂરિયાત પૂરી થાય છે અને પાચન તંત્ર સક્રિય થઈ જાય છે. તેના કારણે પાચન ક્રિયા સારી રહે છે.
– ચામાં કેફીન હોય છે જે શરીરમાં પાણીની ઉણપ સર્જે છે. ચા પીતા પહેલા પાણી લેવાથી શરીરમાં પાણીની ખામી સર્જાતી નથી.
– જો તમે ચા પીતા પહેલા પાણી પી રહ્યાં છો તો શરીરને હાઈડ્રેટ રાખવામાં મદદ મળશે અને પાચન ક્રિયા પણ સુધરશે.
પાણી પીવાથી સ્કીનને થતા ફાયદા
– ચા પીતા પહેલા પાણી પીવું સ્કીન માટે પણ ફાયદાકારક છે. તેનાથી સ્કીનને જરૂરી હાઇડ્રેશન મળે છે અને સ્કીનની ઈલાસ્ટીસિટી વધે છે.
– આ આદતથી સ્કીન વધારે સુંદર દેખાય છે.
– જ્યારે તમે પાણી પીવો છો તો શરીરની અંદરથી ટોક્સિન બહાર નીકળી જાય છે અને ત્વચા પર ચમક બની રહે છે.
– ચા પીતા પહેલા પાણી પીવાથી ત્વચા હાઈડ્રેટ રહે છે અને ખીલ પણ થતા નથી.
કિડની માટે ફાયદાકારક
પાણી પીવાથી કિડનીની કામ કરવાની કેપેસિટી વધે છે. કિડની શરીરમાંથી વેસ્ટ મટીરીયલને બહાર કાઢવાનું કામ કરે છે. સવારે ખાલી પેટ ચા પી લેવાથી કિડનીની કાર્યશૈલી પ્રભાવિત થાય છે. તેનાથી વિરુદ્ધ ચા પીતા પહેલા પાણી પી લેવાથી કિડની પર પ્રેશર ઓછું આવે છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
મૂડ સુધરશે
પાણી પી લેવાથી શરીરમાં હોર્મોનલ બેલેન્સ જળવાઈ રહે છે અને સ્ટ્રેસ લેવલ ઘટે છે. ચા પીતા પહેલા પાણી પી લેવાથી એનર્જી વધે છે અને મૂડ સુધરે છે. તેનાથી આખો દિવસ મૂડ સારો રહે છે અને દિવસ દરમિયાન કામ કરવામાં સરળતા રહે છે.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
