વિટામિન ઈ કેપ્સૂલ ત્વચા અને વાળ માટે અત્યંત લાભદાયી માનવામાં આવે છે. વિટામિન ઈ કેપ્સૂલમાં જિલેટીનના રૂપમાં ટોકોફેરિલ એસિટેટ હોય છે. ટોકોફેરિલ એસિટેટ એક સંયોજન છે જે એન્ટીઓક્સિડન્ટથી ભરપૂર છે.
એન્ટીઓક્સિડન્ટ ગુણધર્મો હોવાના કારણે, વિટામિન ઈ ત્વચા માટે અત્યંત ફાયદાકારક છે. તે એક્ને, ચહેરા પર ઉંમર દેખાવી ,પિગ્મેન્ટેશન વગેરેના ઈલાજમાં મદદરૂપ થાય છે.
વિટામિન ઈ વાળ માટે પણ લાભદાયી છે. તેમાં આલ્ફા-ટોકોફેરોલ નામક રસાયણ હોય છે, જે ખોપરીમાં રક્ત પરિભ્રમણ સુધારવામાં મદદ કરે છે. તે પી.એચ. લેવલ અને સેબમ ઉત્પન્ન થવાના સંતુલનને જાળવી રાખે છે, અને વાળના ફોલિકલ્સને પોષણ આપી ખોપરીને સ્વસ્થ બનાવે છે.
ક્યારે લેવી જોઈએ વિટામિન ઈ કેપ્સુલ?
વિટામિન ઈ કેપ્સૂલ ત્યારે જ લેવી જોઈએ, જ્યારે શરીરમાં તેની ઉણપ હોય. જો તમારા શરીરમાં વાળ વધું પડતા ખરતાં હોય, ઈમ્યુનિટી નબળી હોય ,આંખના રોગ હોય અથવા કોઈ હોર્મોનલ ફેરફાર દેખાય ત્યારે વિટામિન ઈ કેપ્સૂલ લેવી ફાયદાકારક થઈ શકે. જોકે, આવા લક્ષણો જણાય તો સૌથી પહેલા ડૉક્ટરનો સલાહ લેવી જરૂરી છે.
વિટામિન ઈ કેપ્સુલ કઈ રીતે લેવી?
રાત્રે ભોજન પછી એક વિટામિન ઈ કેપ્સૂલ પાણી સાથે લઈ શકાય. આ કેપ્સૂલ ખાલી પેટે લેવી નહીં, કારણ કે આમ કરવાથી વિટામિન ઈ શરીરમાં યોગ્ય રીતે ઉમેરી શકશે નહીં.
વિટામિન ઈ ના ઉપયોગથી મળતા ફાયદા
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
- ત્વચાની નરમાશ જાળવી રાખવામાં સહાયક
- આંખ નીચેના ડાર્ક સર્કલ્સ અને ચહેરા પરના કાળા ડાઘ દૂર કરવામાં મદદરૂપ
- એક્ને, ચહેરા પર ઉંમર દેખાવી ,પિગ્મેન્ટેશન સમસ્યાને ઓછું કરવામાં મદદરૂપ
- સૂકા અને ડેમેજ વાળ માટે ઉપયોગી
સાવચેતી
વિટામિન ઈ કેપ્સુલ મનફાવે તે રીતે ન લો, તે લેતા પહેલા એકવાર ડૉક્ટરની સલાહ અવશ્ય લો. કોઈપણ સપ્લીમેન્ટ માત્ર એટલો સમય જ લો, જેટલો ડૉક્ટર કહે. વિટામિન ઈ કેપ્સુલ ખરીદતા પહેલા તેની એક્સપાયરી ડેટ ચેક કરવી જરૂરી.
અસ્વીકરણ:
આ લેખમાં આપવામાં આવેલી માહિતી માત્ર શૈક્ષણિક અને સામાન્ય માહિતીના હેતુ માટે છે. તે કોઈપણ પ્રકારની તબીબી સલાહ, નિદાન અથવા સારવારનો વિકલ્પ નથી. તમારી વ્યક્તિગત સ્વાસ્થ્ય સ્થિતિ અને જરૂરિયાતો અલગ-અલગ હોઈ શકે છે, તેથી કોઈપણ નિર્ણય લેતા પહેલા નિષ્ણાતની સલાહ લેવી મહત્વપૂર્ણ છે.
