કેન્દ્ર સરકાર દ્વારા મહિલાઓને મફત સોલાર ગેસ સ્ટવ આપવામાં આવશે. સોલાર ગેસ સ્ટવ આવવાથી મહિલાઓને રસોડામાં વધુ રાહત મળશે. આ યોજના અંતર્ગત લાયકાત ધરાવતી મહિલાઓને સોલાર સ્ટવ ઉપલબ્ધ કરાવવામાં આવશે, જે સૌર ઉર્જાથી ચાલશે.
બિલકુલ ફ્રી
સોલાર ગેસ સ્ટવથી મહિલાઓને ગેસ ભરવાની ઝંઝટમાંથી મુક્તિ મળશે.આ સિવાય તે બિલકુલ ફ્રી હશે. કોઇ વધારાનો ખર્ચ કરવો નહીં પડે, જેના કારણે બચત પણ થશે.
સૌર ગેસ સ્ટવને હાઇબ્રિડ મોડ પર 24 કલાક આરામથી ચલાવી શકાય છે. આ યોજનાનો મુખ્ય ઉદેશ્ય ગરીબ પાત્ર મહિલાઓને રસોડાને લગતી સુવિધાઓ આપીને બળતણની સમસ્યાથી મુક્ત કરવાનો અને લોકોને સૌર ઉર્જા વિશે જાગૃત કરવાનો છે.
વાર્ષિક આવક રૂ. 2 લાખ 50 હજાર કે તેનાથી ઓછી હોવી જરૂરી
મફત સોલાર ગેસ સ્ટોવ માટે માત્ર પાત્ર મહિલાઓ જ અરજી કરી શકે છે. આ યોજના અનુસાર જે મહિલાઓની વાર્ષિક આવક રૂ. 2 લાખ 50 હજાર કે તેનાથી ઓછી છે.
તે આ યોજના માટે પાત્ર બનશે. આ યોજના હેઠળ પરિવારની એક જ મહિલાને આ યોજનાનો લાભ મળી શકે છે. અરજી કરવા માટે મહિલાઓની ઉંમર 18 વર્ષથી વધુ હોવી જોઈએ.
આ રીતે યોજનાનો લાભ મેળવો
આ યોજનાનો લાભ મેળવવા માટે, અરજી ઓનલાઈન પણ કરી શકાય છે. આ માટે તમારે ‘PM સૂર્ય ઘર યોજના’ની ઓફિશિયલ વેબસાઈટ પર જવું પડશે અને Solar Cooking Stove લિંક પર ક્લિક કરવું પડશે.
આ પછી, તમારે ઓનલાઈન અરજી માટેની લિંક પર ક્લિક કરીને અને અરજી ફોર્મમાં તમામ માહિતી ભરીને અરજી કરવી પડશે. અરજી કરતી વખતે, અરજદારે આધાર કાર્ડ, પાન કાર્ડ, બેંક પાસબુક, આવકનું પ્રમાણપત્ર અને રહેઠાણનું પ્રમાણપત્ર આપવું ફરજિયાત છે.
