નરેન્દ્ર મોદી સરકારની અનેક એવી યોજનાઓ છે જેમાં લોકોને પૈસા આપીને પોતાનો વ્યવસાય શરૂ કરવા માટે પ્રોત્સાહિત કરવામાં આવે છે. એવી જ એક યોજના પ્રધાનમંત્રી સ્ટ્રીટ વેન્ડર્સ આત્મનિર્ભર નિધિ એટલે કે પીએમ સ્વનિધિ યોજના પણ છે.
જો કે સરકારએ કોરોનાકાળ દરમિયાન પીએમ સ્વનિધિ યોજનાની શરૂઆત કરી હતી પરંતુ સમયાંતરે તેમાં ઘણા મોટા ફેરફાર કરવામાં આવ્યા.
આ યોજનામાં ગેરંટી વિના 50 હજાર રૂપિયા સુધીની લોન મળે છે અને હવે યુપીઆઈ લિંક્ડ ક્રેડિટ કાર્ડ પણ આપવામાં આવી રહ્યા છે. ચાલો વિગતે જાણીએ.
ગેરંટી વિના 50 હજાર રૂપિયા લોન
પીએમ સ્વનિધિ યોજનામાં એક વર્ષની અવધિ માટે ગેરંટી વગર 10,000 રૂપિયા સુધીના વર્કિંગ કેપિટલ લોનની સુવિધા આપવામાં આવે છે. સમયસર આ લોનનું રી-પેમેન્ટ કરવાથી 20,000 રૂપિયાની બીજી અને 50,000 રૂપિયાના ત્રીજા હપ્તાની સુવિધા આપવામાં આવે છે.
યોજનામાં પ્રતિ વર્ષ 7 ટકાના દરે વ્યાજ સબસિડી મારફતે નિયમિત રી-પેમેન્ટને પ્રોત્સાહન આપવામાં આવે છે. ઉપરાંત, પ્રતિ વર્ષ 1,200 રૂપિયા સુધીના કેશબેક મારફતે ડિજિટલ લેવડદેવડને પણ પ્રોત્સાહિત કરવામાં આવે છે.
યુપીઆઈ લિંક્ડ ક્રેડિટ કાર્ડ
કેન્દ્ર સરકારે આ વર્ષે બજેટમાં યોજનાના અંતર્ગત ક્રેડિટ કાર્ડ આપવાની પણ જાહેરાત કરી હતી. સરકારે કહ્યું હતું કે યુપીઆઈ લિંક્ડ ક્રેડિટ કાર્ડ દ્વારા 30,000 રૂપિયા સુધીની મર્યાદાના કાર્ડ ઉપલબ્ધ કરાવવામાં આવશે.
આ ક્રેડિટ કાર્ડ તે સ્ટ્રીટ વેન્ડર્સને જારી કરવામાં આવશે, જેમણે સબસિડીવાળી લોનના પ્રારંભિક ત્રણ હપ્તા, જે ક્રમશઃ 10,000 રૂપિયા, 20,000 રૂપિયા અને 50,000 રૂપિયા હતાં, તે સફળતાપૂર્વક ચુકવી દીધી છે.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
ક્રેડિટ કાર્ડ માટે વેન્ડર્સની ક્રેડિટ રેટિંગ જોવામાં આવશે. ઉલ્લેખનીય છે કે યોજનાના અંતર્ગત પાત્ર સ્ટ્રીટ વેન્ડર્સની ઓળખ અને નવા અરજીકારોને મેળવવા માટે રાજ્ય/યુએલબી જવાબદાર છે. જો કે, લાભાર્થીઓની સંખ્યા વધારવા માટે સરકાર પોતાના સ્તરે પણ અનેક પ્રકારના પ્રયત્નો કરી રહી છે.
આ યોજના સ્ટ્રીટ વેન્ડર્સને આત્મનિર્ભર બનાવવાનો સરસ પ્રયાસ છે. જેમાં 50,000 રૂપિયા સુધીની ગેરંટી વગર લોન, 7% વ્યાજ સબસિડી અને યુપીઆઈ લિંક્ડ ક્રેડિટ કાર્ડ જેવી સહાય મળી રહી છે, જે તેમની આવક અને વ્યવસાય વધારવામાં મદદરૂપ થશે. સરકારના પ્રયત્નો લાભાર્થીઓની સંખ્યા વધારવા પર કેન્દ્રિત છે.
