આજકાલ આપણે બધા સ્માર્ટફોનનો ઉપયોગ કરીએ છીએ. વાત કરવાથી લઈને બેંકિંગ, ખરીદી અને ફોટા પાડવા સુધી બધા કામ સ્માર્ટફોન દ્વારા થાય છે. પણ શું તમે ક્યારેય વિચાર્યું છે કે તમારો ફોન પણ તમારી વાતચીત સાંભળી શકે છે? પણ પ્રશ્ન એ થાય છે કે આ કેવી રીતે થાય છે?
ઘણી વખત આપણે પોતે જ આપણા ફોનને એવી પરમિશન આપીએ છીએ કે તે આપણી આસપાસ બનતી ઘટનાઓ રેકોર્ડ કરી શકે છે. આના કારણે તમારી અંગત બાબતો, વિગતો અને આદતો કોઈ થર્ડ પાર્ટી જાણી શકે છે. જો તમે આનાથી બચવા માંગતા હોવ તો આ 3 સેટિંગ્સ તાત્કાલિક બંધ કરી દો.
Google Assistant setting
આ સ્માર્ટફોનમાં ગૂગલ વોઇસ આસિસ્ટન્ટ છે જે Hey Google બોલવાથી એક્ટિવ થઈ જાય છે. આ સુવિધા માઇક્રોફોનને હંમેશા ચાલુ રાખે છે. જેના કારણે તમારી આસપાસ બનતી ઘટનાઓ પણ રેકોર્ડ કરી શકાય છે. જરૂરી ન હોય ત્યાં સુધી તમારે તેને હંમેશા બંધ રાખવું જોઈએ. આ માટે ફોનની સેટિંગ્સમાં જાઓ. ગુગલ પર ક્લિક કરો.
આ પછી All Services પર જાઓ અને Search પર ક્લિક કરો. અહીં Assistant & Voice નો વિકલ્પ હશે. તેના પર ક્લિક કરો. હવે Google Assistant પર જાઓ અને Hey Google બંધ કરો. આનાથી તમારો માઇક્રોફોન હંમેશા એક્ટિવ રહેશે નહીં.
Mic Permission
ઘણી એપ્સ જરૂર વગર પણ માઇક્રોફોનની પરવાનગી માંગે છે. આવી સ્થિતિમાં તેઓ તમારી વાતચીત સાંભળી શકે છે, પછી ભલે તમે તેનો ઉપયોગ કરી રહ્યા હોવ કે ન કરી રહ્યા હોવ. તમે તેને આ રીતે ચકાસી શકો છો અને તેને બંધ પણ કરી શકો છો.
આ માટે settings માં જાઓ અને apps પર ક્લિક કરો. અહીં Permissions માં ચેક કરો અને Microphone પર ક્લિક કરો. કઈ એપ્સને માઇક્રોફોનની પરવાનગી છે તે જોવા મળશે. તેમાંથી જરૂરી ન હોય તેવી એપ્સમાંથી Microphone Permission બંધ કરી શકો છે.
Always Listening Feature
કેટલાક સ્માર્ટફોનમાં એવી સુવિધા હોય છે જે હંમેશા તમારા અવાજને સાંભળે છે જેથી તે તરત જ પ્રતિક્રિયા આપી શકે. પરંતુ આ તમારી ગોપનીયતા માટે પણ ખતરો બની શકે છે. જો તે તમારા ફોનમાં છે તો તમે તેને આ રીતે બંધ કરી શકો છો.
પોસ્ટ ઓફિસની યોજના: વાર્ષિક રૂ. 399 રોકાણ પર મળશે રૂ. 10 લાખ સુધીનો લાભ, જાણો કેવી રીતે?
આ માટે પણ, ફોનની settings માં જાઓ અને Accessibility અથવા Privacy પર ક્લિક કરો. અહીં તમને તે હંમેશા Always listening અથવા Voice Wake Up જેવા વિકલ્પોમાં મળશે. તમારે તેને બંધ કરી દેવું જોઈએ.
Unknown કૉલ્સથી છો પરેશાન? તો અપનાવો આ ટ્રિક, નહીં મુકાવો મુશ્કેલીમાં
આ ઉપરાંત કોઈપણ થર્ડ પાર્ટી એપ ઇન્સ્ટોલ કરતા પહેલા તેના રિવ્યુ ચોક્કસપણે વાંચો. એટલું જ નહીં, એપ પર રજિસ્ટ્રેશન કરાવતી વખતે, નિયમો અને શરતો પર પણ ધ્યાન આપો અને પરવાનગી આપતી વખતે સાવચેત રહો.
