બેંક ઓફ બરોડાના ગ્રાહકો માટે મોટાં સમાચાર: બેંકના આ નિયમોમાં થવાનો છે મોટો ફેરફાર, જાણો નવા નિયમો

બેંક ઓફ બરોડા (Bank Of Baroda) એ તેના ગ્રાહકો માટે એક મહત્વપૂર્ણ માહિતી બહાર પાડી છે. બેંક ઓફ બરોડાએ ચેકના નિયમો (BOB Check Rule) માં ફેરફાર કર્યો છે. બેંક ઓફ બરોડાના ગ્રાહકોએ હવે રૂ. 5 લાખથી વધુના ચેકની મુખ્ય વિગતોની ચકાસણી કરતા પહેલા બેંકને ઈલેક્ટ્રોનિક રીતે જાણ કરવી પડશે. આ પછી 5 લાખ રૂપિયાથી વધુનો કોઈપણ ચેક ક્લિયર થઈ શકશે. બેંક 1 ઓગસ્ટથી પોઝિટિવ પે કન્ફર્મેશન નિયમ લાગુ કરવા જઈ રહી છે.

BOBમાં પોઝિટિવ પે સિસ્ટમ (Positive Pay System) થશે લાગુ
બેંક ઓફ બરોડાના ગ્રાહકોએ કોઈપણ વ્યક્તિના નામે ચેક જારી કરતા પહેલા બેંકને ચેક વિશેની મહત્વપૂર્ણ માહિતી આપવી પડશે. આ સાથે, બેંકો કોઈપણ વેરિફિકેશન કોલ વિના મોટી રકમના ચેક સરળતાથી ચૂકવી શકશે.

બેંકના પરિપત્ર મુજબ, પોઝિટિવ પે સિસ્ટમના નિયમ 1 ઓગસ્ટ, 2022થી લાગુ થશે. આ અંતર્ગત પાંચ લાખ રૂપિયાથી વધુના ચેક માટે નવા નિયમને ફરજિયાત બનાવવાનું કહેવામાં આવ્યું છે.

ગ્રાહકોની સુરક્ષા માટે જરૂરી
જો ગ્રાહક ચેકની વિગતો ચકાસતો નથી, તો બેંક દ્વારા ચેકની ચૂકવણી કરવામાં આવશે નહીં. બેંકના સત્તાવાર ટ્વિટર એકાઉન્ટ અનુસાર, અમે તમારી બેંકિંગની સલામતી સુનિશ્ચિત કરવા માટે પ્રતિબદ્ધ છીએ. પોઝિટિવ પે કન્ફર્મેશન સિસ્ટમની મદદથી અમે તમારા ચેકને છેતરપિંડીથી બચાવવા માટે અહીં છીએ. કૃપા કરીને રૂ. 5 લાખ કે તેથી વધુના ચેક જારી કરતા પહેલા અમને ખાતરી કરો.

આ નિયમ અંતગર્ત નીચેની માહિતી બેંકને આપવાની રહેશે.
1) ચેકની તારીખ
2) ચેક પ્રાપ્તકર્તાનું નામ (ચેક મેળવનારનું નામ)
3) ચેકની રકમ
4) ખાતા નંબર
5) ચેક નંબર
6) ટ્રાંજેક્શન કોડ

પોઝિટિવ પે સિસ્ટમ (Positive Pay System) શું છે?
પોઝિટિવ પે સિસ્ટમમાં, બેંકે નિયત રકમ કરતાં વધુ મૂલ્ય ધરાવતા ચેકની માહિતી વિશે પહેલા બેકને જાણ કરવી પડશે. બેંક ચુકવણી પહેલા આપેલી માહિતી અને ચેકની વિગતોને એકત્ર કરે છે. તે એક સ્વચાલિત છેતરપિંડી શોધવાનું સાધન છે.

ચેકનો દુરુપયોગ ન થાય તે માટે આ નિયમ લાગુ કરવામાં આવ્યો છે. પોઝિટિવ પે સિસ્ટમ હેઠળ, ચેક ઇશ્યુ કરનારે બેંકને SMS, ઇન્ટરનેટ બેંકિંગ, ATM અથવા મોબાઇલ બેંકિંગ દ્વારા જાણ કરવાની રહેશે.

આવી વધારે માહિતી મેળવવા માટે અમારું ફેસબુક પેજ ફોલો કરો.

Leave a Reply

Your email address will not be published. Required fields are marked *