1લી ડિસેમ્બરથી થશે 6 સૌથી મોટાં ફેરફારો; બેંક, ગેસ, પેન્શન યોજના વગેરેમાં થશે ફેરફાર, જાણો સામાન્ય માણસને કેટલી અસર થશે?

WhatsApp Group Join Now

ડિસેમ્બર મહિનો આડે હવે ગણતરીના દિવસો જ બાકી રહ્યા છે. તમને જાણીએ દઈએ કે દર મહિને તેની સાથે કેટલાક નવા ફેરફારો આવે છે. આવી સ્થિતિમાં ડિસેમ્બર મહિનાની શરૂઆત સાથે કેટલાક ફેરફારો થવાના છે. આ ફેરફારોની અસર આપણા રોજિંદા જીવન પર પડશે, તેથી તેમના વિશે જાણવું જરૂરી છે. આ ફેરફારોમાં LPG-CNG અને PNG ભાવમાં વધ-ઘટ્ટ, ATMમાંથી રોકડ ઉપાડવાની પદ્ધતિ, ટ્રેનનું ટાઈમટેબલ, બેંકિંગ, પેન્શનરો માટેના નિયમ અને ટુ-વ્હીલરની કિંમતમાં વધારો જેવા ફેરફારોનો સમાવેશ થાય છે.

(1) એલપીજી-સીએનજી અને પીએનજીના ભાવમાં ફેરફાર
ગયા મહિનાની શરૂઆતમાં કોમર્શિયલ સિલિન્ડરની કિંમતોમાં ઘટાડો કરવામાં આવ્યો હતો, પરંતુ ઘરેલુ એલપીજી સિલિન્ડરની કિંમતોમાં કોઈ ફેરફાર થયો નથી. આવી સ્થિતિમાં આશા છે કે આ વખતે 1 ડિસેમ્બરથી એલપીજી સિલિન્ડર સસ્તું થઈ શકે છે. ઑક્ટોબર મહિનાના ડેટા રિટેલ ફુગાવામાં નરમાઈના સંકેતો દર્શાવે છે. આ પછી આશા છે કે આ મહિનાના અંતમાં પેટ્રોલિયમ કંપનીઓ રાંધણ ગેસના ભાવમાં ફેરફારની જાહેરાત પણ કરી શકે છે. જોકે, આવું થશે કે નહીં તે 1 ડિસેમ્બરની સવાર સુધી જ સ્પષ્ટ થશે. આ સિવાય સીએનજી અને પીએનજીના ભાવમાં ફેરફારની પણ જાહેરાત કરવામાં આવી શકે છે.

(2) ATMમાંથી રોકડ ઉપાડવાની પદ્ધતિ બદલાશે
ડિસેમ્બર મહિનાથી એટીએમમાંથી પૈસા ઉપાડવાની રીત પણ બદલાઈ શકે છે. હાલમાં, એટીએમમાંથી રોકડ ઉપાડવા માટે આપણે જે પદ્ધતિનો ઉપયોગ કરીએ છીએ, તેમાં ઘણી વખત છેતરપિંડી થવાની સંભાવના છે. મળતી જાણકારી મુજબ, પંજાબ નેશનલ બેંક ડિસેમ્બર મહિનામાં ATMમાંથી રોકડ ઉપાડવાની પ્રક્રિયામાં ફેરફાર કરી શકે છે. તેમાં કહેવામાં આવ્યું છે કે 1 ડિસેમ્બરથી એટીએમમાં કાર્ડ નાખતા જ તમારા મોબાઈલ નંબર પર એક OTP જનરેટ થશે. એટીએમ સ્ક્રીન પર આપેલા કોલમમાં આ OTP દાખલ કર્યા પછી જ રોકડનું વિતરણ કરવામાં આવશે.

(3) ટ્રેનનું ટાઈમટેબલ બદલાશે
ડિસેમ્બર મહિનામાં દેશના મોટાભાગના વિસ્તારોમાં શિયાળો વધવા લાગે છે. શિયાળાની સાથે ધુમ્મસ વધવા લાગે છે. જેના કારણે ટ્રેનોની અવરજવરમાં મુશ્કેલી પડે છે. પરિણામે, રેલ્વેએ ઘણી ટ્રેનો રદ કરવાનો નિર્ણય કરવો પડ્યો છે. ધુમ્મસને જોતા રેલ્વે તેના ટાઈમ ટેબલમાં પણ ફેરફાર કરે છે. આવી સ્થિતિમાં, એવી અપેક્ષા રાખવામાં આવે છે કે આ વખતે પણ રેલવે ડિસેમ્બર મહિનામાં રેલવેના સમયપત્રકમાં સુધારો કરશે અને ટ્રેનો નવા ટાઈમ ટેબલ પ્રમાણે ચલાવવામાં આવશે.

(4) પેન્શનરો જીવન પ્રમાણપત્ર સબમિટ નહીં કરી શકે
પેન્શનરો માટે જીવન પ્રમાણપત્ર સબમિટ કરવાની છેલ્લી તારીખ 30 નવેમ્બર 2022 છે. આવી સ્થિતિમાં, જો તેઓએ આ મહિનાના અંત સુધીમાં તેમનું જીવન પ્રમાણપત્ર સબમિટ કર્યું નથી, તો તેમને 1 ડિસેમ્બરથી અસુવિધાનો સામનો કરવો પડી શકે છે. જો લાઈફ સર્ટિફિકેટ સમયસર સબમિટ નહીં થાય તો તેમનું પેન્શન પણ બંધ થઈ શકે છે.

(5) બેંકો 13 દિવસ બંધ રહેશે
ડિસેમ્બર મહિનામાં કુલ 13 દિવસ બેંકો બંધ રહેશે. આ રજાઓમાં બીજા અને ચોથા શનિવાર અને રવિવારનો સમાવેશ થાય છે. આ મહિનો ક્રિસમસ, વર્ષનો છેલ્લો દિવસ (31 ડિસેમ્બર) અને ગુરુ ગોવિંદ સિંહ જીની જન્મજયંતિને પણ ચિહ્નિત કરે છે. આ પ્રસંગે બેંકોમાં રજા પણ રહેશે. ઘણા રાજ્યોમાં સ્થાનિક તહેવારોના આધારે રજાઓ પણ હોય છે. રજાના દિવસે બેંકો બંધ રહેશે. જો કે, આ સમય દરમિયાન ગ્રાહકો ઓનલાઈન બેંકિંગ દ્વારા તેમનું કામ કરી શકશે.

(6) ટુ-વ્હીલર બાઇક થશે મોંઘી
હિરો મોટોકોર્પ તેની બાઈક અને સ્કૂટરની કિંમતોમાં વધારો કરવાની જાહેરાત કરી છે. દરેક વાહન પર આશરે 1500 રૂપિયાનો વધારો થશે. જોકે, મોડલ અને વેચાણ ક્ષેત્રના આધારે કિંમતો બદલાઈ શકે છે. કંપનીએ કહ્યું કે, ઉત્પાદન ખર્ચમાં વધારાને કારણે કિંમતોમાં વધારો કરવો અનિવાર્ય થયો છે. નવી કિંમતો 1 ડિસેમ્બરથી લાગુ થશે. આ વધારા સાથે દેશની સૌથી વધુ વેચાતી બાઈક સ્પ્લેન્ડર પણ મોંઘી થઈ જશે.

આવી વધારે માહિતી મેળવવા માટે અમારું ફેસબુક પેજ ફોલો કરો.

WhatsApp Group Join Now

Leave a Comment