રાજ્યમાં કાળઝાળ ગરમી પડી રહી છે. લોકો ગરમીથી ત્રાહિમામ પોકારી રહ્યા છે. હવામાન વિભાગ દ્વારા પણ હિટવેવ અને ગરમી અંગે એલર્ટ આપવામાં આવી રહ્યું છે. ક્યારે ગરમીમાં ઘટાડો થશે? તેની લોકો રાહ જોઇ રહ્યા છે.
હવામાાન નિષ્ણાત પરેશ ગોસ્વામી અને અંબાલાલ પટેલ દ્વારા હવામાન અંગે અનુમાન વ્યક્ત કરવામાં આવ્યું છે. આગામી દિવસોમાં તીવ્ર પ્રિ-મોન્સૂન એક્ટિવિટી અને આંધી વંટોળની સંભાવના પણ વ્યક્ત કરવામાં આવી છે.
હવામાન નિષ્ણાત પરેશ ગોસ્વામીએ તેમના યુ-ટ્યુબ વીડિયોમાં જણાવ્યું હતું કે, રાજ્યમાં બે અઠવાડિયાથી ખૂબ ઊંચું તાપમાન ચાલી રહ્યું હતું. 24 અને 25મીના રોજ એક ડિગ્રીનો ઘડાટો નોંધાયો હતો. આ સાથે જ રાજ્યમાં ફરી પ્રિ-મોન્સૂન એક્ટિવિટી થવા જઇ રહી છે. 27થી 30 મે દરમિયાન પણ વરસાદની શક્યતાઓ છે.
ખાસ કરીને 28, 29 અને 30 તારીખ દરમિયાન તીવ્ર પ્રિ-મોન્સૂન એક્ટિવિટી થાય તેવી શક્યતાઓ છે. 27થી 30 દરમિયાન દક્ષિણ ગુજરાતના તમામ જિલ્લા તથા સૌરાષ્ટ્રના તમામ જિલ્લામાં પ્રિ-મોન્સૂન એક્ટિવિટીની સંભાવનાઓ રહેલી છે.
આ સાથે જ કચ્છના દરિયાકાંઠાના તમામ તાલુકાઓમાં પણ 28 અને 29 તારીખમાં પ્રિ-મોન્સૂન એક્ટિવિટીની સંભાવનાઓ છે. હાલ સૌરાષ્ટ્ર, કચ્છ અને દક્ષિણ ગુજરાતમાં આ શક્યતા વધારે રહેલી છે.
હવામાન નિષ્ણાત અંબાલાલ પટેલે જણાવ્યુ હતુ કે, ધીમે ધીમે ગરમીમાંથી રાહત મળશે. આજથી 28 મેના આંધી વંટોળનુ પ્રમાણ વધુ રહેશે. 28થી 31 મેના દક્ષિણ ગુજરાતમાં ગાજવીજ સાથે વરસાદ થશે.
આ પણ વાંચો: વરસાદ નક્ષત્ર 2024 : ક્યું નક્ષત્ર ક્યારે શરૂ થશે? કયું વાહન? ક્યાં નક્ષત્રમાં કેટલો વરસાદ? જાણો નક્ષત્ર અંગેની સંપુર્ણ માહિતી….
વધુમાં અંબાલાલ પટેલે એમ પણ જણાવ્યું કે, આહવા, ડાંગ સુરત,સૌરાષ્ટ્રના ભાગોમાં 26 થી 31 મેના સાથે વરસાદ થવાની શક્યતા રહેશે તેમજ રોહિણી નક્ષત્રમાં વરસાદ થશે. ઉતર ગુજરાત, મધ્ય ગુજરાતના ભાગોમાં અને કચ્છના ભાગોમાં રોહિણી નક્ષત્રમાં વરસાદ થવાની શક્તા રહેશે.
તેમણે જણાવ્યું કે, રેમલ વાવાઝોડાનો ભેજ અને અરબ સાગરના ભેજના કારણે 26 મે થી 4 જુનમાં આંધી વંટોળ સાથે પ્રી- મોનસુન એક્ટિવિટી થવાની શક્યતા રહેશે. 8 જુનથી અરબી સમુદ્ર અને બંગાળના ઉપસાગરમાં ડીપ ડીપ્રેશન બનવાની શક્તા રહેશે. 8 થી 14 જુન સુધીમાં અરબી સમુદ્રમાં વાવાઝોડુ બનવાની શક્યતા છે.
દક્ષિણ ગુજરાત અને સૌરાષ્ટ્રના ભાગોમાં 7 થી 14 જુનમાં ચોમાસાનો વરસાદ થવાની શક્યતા રહશે. ચાલુ વર્ષે ચોમાસુ સારું રહેવાના સંકેતો મળી રહ્યા છે.આ સાથે જ ગુજરાતમાં પણ ચોમાસુ સમય કરતા વહેલું બેસી જવાનું અનુમાન છે.
ખાસ નોંધ: વરસાદ અને વાવાઝોડાં સંબંધિત તમામ માહિતી માટે હંમેશા હવામાન વિભાગની આગાહીને અનુસરવી.
