નવી મગફળીના ભાવમાં ભારે ઉછાળો: આજનો સૌથી ઉંચો ભાવ રૂ. 1585, જાણો આજના મગફળીના બજારભાવ

મગફળીની બજારમાં સરેરાશ મજબૂતાઈનો માહોલ જોવા મળી રહ્યો છે. નવી આવકો સારી માત્રામાં આવી રહી છે, પંરતુ સુકો માલ બહુ ઓછો આવે છે, પરિણામે બજારમાં ભાવ ઊંચા બોલાય રહ્યા છે.

મગફળીનાં વેપારીઓએ જણાવ્યું હતું કે રોજની ભલે એક લાખ ગુણી ઉપરની આવક થતી હોય પરંતુ સુકો માલ બહુ ઓછો આવે છે. દાણાબર માલમાં ભાવ ઊંચા હોવાથી પિલાણ વાળાને પૂરતી મગફળી મળતી નથી. આગામી દિવસોમાં મગફળીની બજારમાં વેચવાલી કેવી આવે છે તેનાં ઉપર જ સમગ્ર બજારનો આધાર રહેલો છે. હાલનાં તબક્કે મોટી મુવમેન્ટ દેખાતી નથી.

જાડી મગફળીના બજાર ભાવની વાત કરીએ તો તારીખ 01/10/2022 ને શનિવારના રોજ હળવદ માર્કેટ યાર્ડમાં જાડી મગફળીના 12251 ગુણીના વેપારો થયા હતા અને તેના ભાવ રૂ. 1050થી 1462 સુધીના બોલાયા હતાં. જ્યારે ગોંડલ માર્કેટ યાર્ડમાં જાડી મગફળીના 27351 ગુણીના વેપારો થયા હતા અને તેના ભાવ રૂ. 830થી 1386 સુધીના બોલાયા હતાં.