નવી મગફળીના ભાવમાં ભારે ઉછાળો: આજનો સૌથી ઉંચો ભાવ રૂ. 1621, જાણો આજના મગફળીના બજારભાવ

મગફળીની આવકો એક લાખ ગુણી ઉપરની થઈ રહી છે, પંરતુ હવાવાળો માલ વધારે આવતો હોવાથી મગફળીનાં ભાવ હજી ઘટતા નથી. વળી તહેવારોની માંગને ધ્યાનમાં રાખીને પિલાણવાળા અને દાણાવાળા ઊંચા ભાવથી ખરીદી કરી રહ્યાં હોવાથી મગફળીનાં ભાવ મચક આપતા નથી. આગામી થોડા દિવસો સરેરાશ મગફળી બજારમાં લેવાલી ઉપર જ બજારનો આધાર રહેલો છે.

રાજકોટ અને ડીસામાં આઠમને કારણે મગફળીની હરાજી બંધ રહી હતી. હજી દશેરાનાં દિવસે પણ મોટા ભાગના યાર્ડો બંધ રહે તેવી ધારણાં છે. પરિણામે મગફળીની આવકનો પ્રવાહ ગુરૂવારથી જ રેગ્યુલર થાય તેવી ધારણા છે.

જાડી મગફળીના બજાર ભાવની વાત કરીએ તો ગઈ કાલે તારીખ 03/10/2022 ને સોમવારના રોજ જામજોધપુર માર્કેટ યાર્ડમાં જાડી મગફળીના 3640 ગુણીના વેપારો થયા હતા અને તેના ભાવ રૂ. 1000થી 1316 સુધીના બોલાયા હતાં. જ્યારે ગોંડલ માર્કેટ યાર્ડમાં જાડી મગફળીના 14383 ગુણીના વેપારો થયા હતા અને તેના ભાવ રૂ. 850થી 1366 સુધીના બોલાયા હતાં.