નવી મગફળીના ભાવમાં ભારે ઉછાળો: આજનો ઉંચો ભાવ રૂ. 1741, જાણો આજના મગફળીના બજારભાવ

નવી મગફળીની આવકો સતત વધી રહી છે અને ભાવમાં સરેરાશ નરમાઈ જોવા મળી હતી. ઉત્તર ગુજરાતમાં ડીસા-હિંમતનગર સહિતનાં સેન્ટરમાં પણ આવકો સારી હતી. ડીસામાં 54 હજાર બોરીની સિઝનની સૌથી વધુ આવકો થઈ હતી. સમગ્ર ગુજરાતમાં 1.75થી 2 લાખ ગુણી આસપાસની આવક હતી. બજારમાં દાણાબરમાં મણે રૂ.10થી 15 નરમ હતાં.

મગફળીનાં વેપારીઓ કહે છે કે, વર્તમાન સંજોગમાં બજારમાં વેચવાલી વધી છે, પંરતુ સારો માલ બહુ ઓછો આવે છે. હજી ભેજનું પ્રમાણ વધારે છે. હિંમતનગરનાં વેપારીઓ કહે છે કે, અમારા વિસ્તારમાં વરસાદને કારણે માલ કાળો પડી ગયો છે અને સારી ક્વોલિટીની મગફળી હવે બહુ ઓછી આવે તેવું લાગી રહ્યું છે.

જાડી મગફળીના બજાર ભાવની વાત કરીએ તો ગઈ કાલે તારીખ 10/10/2022 ને સોમવારના હળવદ માર્કેટ યાર્ડમાં જાડી મગફળીના 20144 ગુણીના વેપારો થયા હતા અને તેના ભાવ રૂ. 1150થી 1498 સુધીના બોલાયા હતાં. જ્યારે ગોંડલ માર્કેટ યાર્ડમાં જાડી મગફળીના 26883 ગુણીના વેપારો થયા હતા અને તેના ભાવ રૂ. 900થી 1476 સુધીના બોલાયા હતાં.