નવી મગફળીના ભાવમાં ભુક્કા બોલાવતી તેજી: આજનો ઉંચો ભાવ રૂ. 1701, જાણો આજના મગફળીના બજારભાવ

મગફળીની બજારમાં ભાવ સરેરાશ નરમ રહ્યાં હતાં. મગફળીની બજારમાં લેવાલી ઓછી છે અને સરેરાશ વેચવાલી પણ ઓછી છે પરંતુ કાદરી મગફળીની માંગ ઓઈલ મિલોમાં ઘટવા લાગી હોવાથી શનિવારે તેમાં મણે રૂ. 10થી 15નો ઘટાડો થયો હતો.

મગફળીનાં વેપારીઓ કહે છે કે, સીંગતેલમાં અનેક ઓઈલ મિલો કાદરી કે બીટી- 32 કહેવાય એ મગફળીનું મિક્સિંગ કરીને જ પિલાણ કરી રહી છે અને આ તેલ ખરીદનારો વર્ગ અને પ્યોર જી-20ની મગફળીનું તેલ ખરીદનાર વર્ગ એમ બે ભાગલા પડી ગયા છે, જેને પગલે સરેરાશ બજારનો ટોન હાલ પૂરતો સરેરાશ મિશ્ર દેખાય રહ્યો છે. મગફળીની બજારમાં હવે તેજી ક્વોલિટી મુજબ જ જોવા મળશે, પંરતુ જેમાં માંગ નહી એ બજારો નીચા જ રહે તેવી ધારણાં છે.

જાડી મગફળીના બજાર ભાવની વાત કરીએ તો, તારીખ 24/12/2022 ને શનિવારના રોજ ગોંડલ માર્કેટ યાર્ડમાં જાડી મગફળીના 13554 ગુણીના વેપારો થયા હતા અને તેના ભાવ રૂ. 810થી 1376 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 5500 ગુણીના વેપારો થયા હતા અને તેના ભાવ રૂ. 900થી 1350 સુધીના બોલાયા હતાં.