નવી મગફળીના ભાવમાં ભારે ઉછાળો: આજનો સૌથી ઉંચો ભાવ રૂ. 1639, જાણો આજના મગફળીના બજારભાવ

મગફળીની બજારમાં ભાવમાં મજબૂતાઈ જોવા મળી હતી. સૌરાષ્ટ્રમાં બાંટવા, માણાવદર સહિતના કેટલાક વિસ્તારમાં વરસાદ પડ્યો હતો. જામનગરના કેટલાક ગામડામાં હજી વરસાદની જરૂર પણ છે. પરિણામે થોડો- થોડો વરસાદ આવે તો મગફળીનાં પાકને કોઈ નુકસાનકર્તા નથી. ચોમાસાની વિદાય શરૂ થઈ ગઈ હોવાથી હવે બહુ ભારે વરસાદ પડે તેવી પણ સંભાવનાં નથી, જેને પગલે મગફળીનો પાક સરેરાશ હવે સારો થાય તેવી ધારણાં છે.

મગફળીનાં વેપારીઓ કહે છે કે ગોંડલમાં નવી આવકો હજી બંધ છે અને ગુરૂવારે સાંજે પાંચ વાગ્યાંથી નવી આવકો શરૂ કરવાના છે. નવી આવકો એક લાખ ગુણી ઉપરની જ થાય તેવી ધારણાં છે. હાલ સુકા માલની આવકો ઓછી છે, પરિણામે સુકો માલ કેટલો આવે છે તેનાં ઉપર જ સમગ્ર બજારનો આધાર રહેલો છે.

જાડી મગફળીના બજાર ભાવની વાત કરીએ તો ગઈ કાલે તારીખ 28/09/2022 ને બુધવારના રોજ હળવદ માર્કેટ યાર્ડમાં જાડી મગફળીના 17213 ગુણીના વેપારો થયા હતા અને તેના ભાવ રૂ. 1001થી 1474 સુધીના બોલાયા હતાં. જ્યારે ગોંડલ માર્કેટ યાર્ડમાં જાડી મગફળીના 24020 ગુણીના વેપારો થયા હતા અને તેના ભાવ રૂ. 850થી 1336 સુધીના બોલાયા હતાં.