નવી મગફળીના ભાવમાં તેજી: આજનો ઉંચો ભાવ રૂ. 1900, જાણો આજના મગફળીના બજારભાવ

મગફળીની બજારમાં નરમાઈનો માહોલ જોવા મળી રહ્યો છે. સીંગતેલ લુઝનાં ભાવમાં ઘટાડો થવાને પગલે મગફળીની બજારમાં પણ નરમાઈ જોવા મળી શકે છે. વર્તમાન સંજોગોમાં સરેરાશ બજારમાં વેચવાલી ઓછી છે અને સામે લેવાલી પણ મર્યાદીત જોવા મળી રહી છે. દરમિયાન સાઉથનાં વેપારીઓ અત્યારે ગુજરાતમાં અનેક સેન્ટરોમાં આવી રહ્યા છે.

હિંમતનગરનાં વેપારીએ જણાવ્યું હતું કે, અમારા યાર્ડમાં પણ છેલ્લા બે દિવસથી સાઉથનાં બાયરો ખરીદીમાં આવી રહ્યાં છે. સોમવારે એકાદ હજાર ગુણી રૂ. 1803 સુધીના ભાવથી ખરીદી કરી હતી. સાઉથનાં ત્રણથી ચાર વેપારીઓ હાલ સક્રીય રીતે ખરીદી કરી રહ્યાં હોવાથી વિક્રમી ભાવ બોલાયાં હતાં.

જાડી મગફળીના બજાર ભાવની વાત કરીએ તો ગઈ કાલે તારીખ 07/11/2022 ને સોમવારના ગોંડલ માર્કેટ યાર્ડમાં જાડી મગફળીના 22311 ગુણીના વેપારો થયા હતા અને તેના ભાવ રૂ. 850થી 1326 સુધીના બોલાયા હતાં. જ્યારે હળવદ માર્કેટ યાર્ડમાં જાડી મગફળીના 24477 ગુણીના વેપારો થયા હતા અને તેના ભાવ રૂ. 1150થી 1425 સુધીના બોલાયા હતાં.