નવી મગફળીના ભાવમાં તેજી: આજનો ઉંચો ભાવ રૂ. 1950, જાણો આજના મગફળીના બજારભાવ

મગફળીની બજારમાં ભાવ નરમ રહ્યાં હતાં. મગફળીની વેચવાલી ખાસ વધી નથી, પંરતુ સીંગતેલ અને અન્ય સાઈડ તેલોના ભાવ પણ ઘટવા લાગ્યાં હોવાથી તેલીબિયાં બજારમાં પણ મંદીનો કરંટ દેખાયો હતો. રાજકોટમાં મગફળીની બજારમાં ઘરાકી ઓછી હોવાથી અમુક વેરાયટીમાં રૂ. 20 ડાઉન થયા હતાં.

મગફળીનાં વેપારીઓ કહે છે કે, વર્તમાન સંજોગોમા બજારમાં વેચવાલી વધવાની નથી, પંરતુ ઓઈલ મિલો અને દાણાવાળાની ઊંચા ભાવથી લેવાલી અટકી હોવાથી બજારમાં ઘટાડો જોવા મળે તેવી ધારણાં છે. આગામી દિવસોમાં ખાદ્યતેલની ઓલઓવર બજાર ઉપર જ મગફળીની બજારનો પણ આધાર રહેલો છે.

જાડી મગફળીના બજાર ભાવની વાત કરીએ તો, ગઈ કાલે તારીખ 18/11/2022 ને શુક્રવારના ગોંડલ માર્કેટ યાર્ડમાં જાડી મગફળીના 24074 ગુણીના વેપારો થયા હતા અને તેના ભાવ રૂ. 825થી 1326 સુધીના બોલાયા હતાં. જ્યારે હળવદ માર્કેટ યાર્ડમાં જાડી મગફળીના 13966 ગુણીના વેપારો થયા હતા અને તેના ભાવ રૂ. 1100થી 1400 સુધીના બોલાયા હતાં.