નવી મગફળીના ભાવમાં તેજી: આજનો ઉંચો ભાવ રૂ. 1860, જાણો આજના મગફળીના બજારભાવ

મગફળીની બજારમાં નરમાઈનો દોર જોવા મળી રહ્યો છે. સીંગતેલનાં ભાવ ઘટી ગયા હોવાથી મગફળીની બજારમાં પણ મણે રૂ. 10થી 20નો ઘટાડો થયો હતો. મગફળીની બજારમાં સરેરાશ બજારનો ટોન હાલ પૂરતો નરમ દેખાય રહ્યો છે, પંરતુ આગામી દિવસોમાં વેચવાલી કેવી આવે છે તેનાં ઉપર સમગ્ર બજારનો આધાર રહેલો છે. હાલનાં તબક્કે બજારમાં ખાસ કોઈ મોટી લેવાલી નથી.

મગફળીનાં વેપારીઓ કહે છે કે હાલનાં સંજોગોમાં સીંગતેલ અને સીંગદાણા ઉપરાંત ખોળનાં ભાવ પણ ઘટી રહ્યાં હોવાથી મગફળીમાં એક પણ ક્વોલિટીમાં ડિમાન્ડ નથી અને જે છે તે નીચા ભાવથી ખરીદી કરવા માંગે છે, પરિણામે ભાવમાં બે દિવસમાં રૂ. 20થી 30 નીકળી ગયા છે અને હજી પણ થોડો ઘટાડો થાય તેવી ધારણાં છે. મગફળીમાં મોટી મંદી દેખાતી નથી કારણ કે વધુ ઘટાડો થાય તો સરકાર ટેકાનાં ભાવથી ખરીદી કરવા માટે તૈયાર જ છે, પરિણામે બજારો બહુ નીચા નહીં આવે અને ખેડૂતો પણ રૂ. 1200ની નીચે ગામડે બેઠા પણ માલ આપવા તૈયાર નથી.

જાડી મગફળીના બજાર ભાવની વાત કરીએ તો, ગઈ કાલે તારીખ 21/11/2022 ને સોમવારના ગોંડલ માર્કેટ યાર્ડમાં જાડી મગફળીના 19277 ગુણીના વેપારો થયા હતા અને તેના ભાવ રૂ. 840થી 1321 સુધીના બોલાયા હતાં. જ્યારે હળવદ માર્કેટ યાર્ડમાં જાડી મગફળીના 8755 ગુણીના વેપારો થયા હતા અને તેના ભાવ રૂ. 1050થી 1400 સુધીના બોલાયા હતાં.