નવી મગફળીના ભાવમાં તેજી: આજનો ઉંચો ભાવ રૂ. 1729, જાણો આજના મગફળીના બજારભાવ

મગફળીની બજારમાં વેચવાલીનાં અભાવે મજબૂતાઈ જોવા મળી રહી છે અને ભાવમાં સોમવારે સરેરાશ મણે રૂ.15થી 20નો સુધારો જોવા મળ્યો હતો. આગામી દિવસોમાં મગફળીની બજારમાં વેચવાલી વધે તેવા ચાન્સ નથી, પરિણામે બજારો સારા રહે તેવી ધારણાં છે.

મગફળીનાં એક અગ્રણી બ્રોકરે જણાવ્યું હતું કે સીંગતેલની બજારો સોમવારે સારી હતી અને સીંગદાણાનાં ભાવ ગત સપ્તાહથી સતત વધી રહ્યાં હોવાથી મગફળીની બજારમાં સુધારો હતો. વળી મગફળીનાં ભાવમાં હાલ વેચવાલી એકદમ ઓછી છે અને ખાસ કરીને પિલાણ થઈ શકે તેવી સારી મગફળીની આવકો ઓછી છે. તેલની ટકાવારી ઘટી હોવાથી સારા માલમાં અત્યારે ડિમાન્ડ છે.

જાડી મગફળીના બજાર ભાવની વાત કરીએ તો, ગઈ કાલે તારીખ 12/12/2022 ને સોમવારના રોજ ગોંડલ માર્કેટ યાર્ડમાં જાડી મગફળીના 17720 ગુણીના વેપારો થયા હતા અને તેના ભાવ રૂ. 815થી 1321 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 6000 ગુણીના વેપારો થયા હતા અને તેના ભાવ રૂ. 900થી 1290 સુધીના બોલાયા હતાં.