નવી મગફળીના ભાવમાં ભુક્કા બોલાવતી તેજી: આજનો ઉંચો ભાવ રૂ. 1721, જાણો આજના મગફળીના બજારભાવ

મગફળીની બજારમાં વેચવાલીનાં અભાવે સરેરાશ મણે રૂ. 5થી 10નો સુધારો હતો. મગફળીની બજારમાં વેચવાલી ઓછી છે અને સામે જે વેચવાલી આવે છે તેમાં સારી ક્વોલિટીની મગફળી ઓછી હોવાથી તેની માંગ વધી રહી છે. ખાસ કરીને જી-20 મગફળીની વેચવાલી ઓછી છે અને તેમાં ઓઈલ મિલોની માંગ સારી છે. બીજી તરફ સીંગદાણાનાં ભાવમાં મજબૂતાઈ હોવાથી બજારને ટેકો મળી રહ્યો છે.

મગફળીનાં બ્રોકરો કહે છે કે આવકો હવે તમામ સેન્ટરમાં ઘટવા લાગી છે. આ વર્ષે સરકારી માલ આવે તેવા પણ સંજોગો નથી, કારણ કે ખરીદી થઈ નથી. બીજી તરફ સીંગદાણામાં લોકલ અને નિકાસ વેપારોનાં ટેકે બજારો વધી રહ્યાં છે. આગામી દિવસોમાં મગફળીમાં ઓઈલ મિલોની માંગ ઉપર પણ પિલાણ મગફળીનો આધાર રહેલો છે.

જાડી મગફળીના બજાર ભાવની વાત કરીએ તો, ગઈ કાલે તારીખ 15/12/2022 ને ગુરુવારના રોજ ગોંડલ માર્કેટ યાર્ડમાં જાડી મગફળીના 13943 ગુણીના વેપારો થયા હતા અને તેના ભાવ રૂ. 811થી 1311 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 6000 ગુણીના વેપારો થયા હતા અને તેના ભાવ રૂ. 900થી 1330 સુધીના બોલાયા હતાં.