નવી મગફળીના ભાવમાં ભુક્કા બોલાવતી તેજી: આજનો ઉંચો ભાવ રૂ. 1734, જાણો આજના મગફળીના બજારભાવ

મગફળીની બજારમાં મજબૂતાઈનો માહોલ જોવા મળી રહ્યો છે. વર્તમાન સંજોગોમાં મગફળીની બજારમાં ખાસ કોઈ વેચવાલી આવતી નથી. ખાસ કરીને જી-20 મગફળીનાં ભાવસતત વધી રહ્યાં છેઅને તેની માંગ સારી હોવાથી તેનાં ભાવમાં સોમવારે વધુ રૂ. 10થી 15નો વધારો થયો હતો. જી-20 મગફળીમાંથી બનતા તેલનાં ભાવ વધી રહ્યાં હોવાથી મગફળીમાં લાવ-લાવની સ્થિતિ છે, પંરતુ સામે બજારમાં મોટી વેચવાલી નથી.

મગફળીનાં વેપારીઓ કહે છે કે, વર્તમાન બજારમાં આગામી દિવસોમાં સરેરાશ લેવાલી સારી રહેશે તો બજારમાં સુધારો આવશે. હાલ સારી ક્વોલિટીમાં મણે રૂ. 10થી 20નો વધારો હજી પણ થાય તેવી ધારણાં છે. અત્યારે લુઝનાં ભાવ સારા હોવાથી મગફળી ગમે તે ભાવથી વેચાણ થાય તેવી ધારણાં છે.

જાડી મગફળીના બજાર ભાવની વાત કરીએ તો, ગઈ કાલે તારીખ 02/01/2023 ને સોમવારના રોજ ગોંડલ માર્કેટ યાર્ડમાં જાડી મગફળીના 11763 ગુણીના વેપારો થયા હતા અને તેના ભાવ રૂ. 830થી 1396 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 4000 ગુણીના વેપારો થયા હતા અને તેના ભાવ રૂ. 900થી 1400 સુધીના બોલાયા હતાં.