નવી મગફળીના ભાવમાં તેજી: આજનો ઉંચો ભાવ રૂ. 1875, જાણો આજના મગફળીના બજારભાવ

મગફળીની બજારમાં મજબૂતાઈ જોવા મળી હતી. ખેડૂતોની મજબૂત પક્કડ હોવાથી નીચા ભાવથી વેચવાલી આવતી નથી અને બીજી તરફ સિંગતેલના ભાવ પણ મજબૂત રહ્યાં હોવાથી સરેરાશ પિલામ ક્વોલિટીની મગફળીમાં મણે રૂ.10થી 15નો સુધારો જોવા મળ્યો હતો. આગામી દિવસોમાં મગફળીની બજારમાં સરેરાશ મિશ્ર માહોલની સંભાવનાં છે.

મગફળીનાં બ્રોકરો કહે છે કે મગફળીમાં વેચવાલી ઓછી છે અને સામે સીંગદાણામાં પણ વેપારો જોવા મળી રહ્યાં છે. સીંગદાણાનાં ભાવમાં ટને રૂ.500થી 1000 વધી ગયાં હતાં. એચપીએસમાં પણ વેપારો સારા હોવાથી બજારને ટેકો મળી રહ્યો છે. આગામી દિવસોમાં મગફળીની વેચવાલી હવે દિવસે-દિવસે ઘટતી જાય તેવી સંભાવનાં છે. આગામી સપ્તાહથી લગ્નગાળાની સિઝન પણ પંદરેક દિવસ ચાલુ થઈ રહી હોવાથી સરેરાશ વેચવાલી વધુ ઘટે તેવી પણ ધારણાં છે.

જાડી મગફળીના બજાર ભાવની વાત કરીએ તો, ગઈ કાલે તારીખ 15/11/2022 ને મંગળવારના ગોંડલ માર્કેટ યાર્ડમાં જાડી મગફળીના 24691 ગુણીના વેપારો થયા હતા અને તેના ભાવ રૂ. 825થી 1381 સુધીના બોલાયા હતાં. જ્યારે હળવદ માર્કેટ યાર્ડમાં જાડી મગફળીના 6699 ગુણીના વેપારો થયા હતા અને તેના ભાવ રૂ. 1125થી 1414 સુધીના બોલાયા હતાં.