નવી મગફળીના ભાવમાં ભુક્કા બોલાવતી તેજી: આજનો ઉંચો ભાવ રૂ. 1720, જાણો આજના મગફળીના બજારભાવ

મગફળીની બજારમાં ભાવ મજબૂત રહ્યાં હતાં. સીંગદાણામાં નોન સ્ટોપ તેજી હોવાથી સારી ક્વોલિટીની બોલ્ડ મગફળીનાં ભાવમાં સરેરાશ મણે રૂ. 10નો સુધાર હતો. આગામી દિવસોમાં મગફળીની બજારમાં લેવાલી કેવી આવે છે તેનાં ઉપર જ સમગ્ર બજારનો આધાર રહેલો છે.

મગફળીનાં બ્રોકરો કહે છેકે હાલમાં વેચવાલી ઓછી છે અને જે માલ આવે છે તેમાં સારો માલ બહુ ઓછો છે. મગફળીનો પાક સિઝનની શરૂઆતમાં 28થી 30 લાખ ટન માનતા હતા, તેવો હવે કહે છે કે પાક 22થી 24 લાખ ટન વચ્ચે માંડ આવે તેવી ધારણાં છે. આ વર્ષે પાકનાં અંદાજો ઊંચા આવ્યાં હતા પંરતુ પાક ઘણો નીચો હોવાથી અત્યારે તેનો ખાંચો દેખાય છે અને સારા માલની આવકો નથી. જે ખેડૂતો પાસે માલ પડ્યો છે તેઓ નીચા ભાવથી મગફળી વેચાણ કરવા માટે તૈયાર નથી.

જાડી મગફળીના બજાર ભાવની વાત કરીએ તો, ગઈ કાલે તારીખ 19/12/2022 ને સોમવારના રોજ ગોંડલ માર્કેટ યાર્ડમાં જાડી મગફળીના 16560 ગુણીના વેપારો થયા હતા અને તેના ભાવ રૂ. 825થી 1361 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 8250 ગુણીના વેપારો થયા હતા અને તેના ભાવ રૂ. 900થી 1350 સુધીના બોલાયા હતાં.

ઝીણી મગફળીના બજાર ભાવની વાત કરીએ તો, ગઈ કાલે તારીખ 19/12/2022 ને સોમવારના રોજ ગોંડલ માર્કેટ યાર્ડમાં ઝીણી મગફળીના 7417 ગુણીના વેપારો થયા હતા અને તેના ભાવ રૂ. 940થી 1301 સુધીના બોલાયા હતાં. જ્યારે હિંમતનગર માર્કેટ યાર્ડમાં ઝીણી મગફળીના 8892 ગુણીના વેપારો થયા હતા અને તેના ભાવ રૂ. 1100થી 1680 સુધીના બોલાયા હતાં.

મગફળીના સૌથી ઉંચા બજાર ભાવની વાત કરીએ તો, ગઈ કાલે તારીખ 19/12/2022 ને સોમવારના રોજ જાડી મગફળીનો સૌથી ઉંચો ભાવ સલાલ માર્કેટ યાર્ડમાં રૂ. 1720 સુધીનો બોલાયો હતો તેમજ ઝીણી મગફળીનો સૌથી ઉંચો ભાવ ઈડર માર્કેટ યાર્ડમાં રૂ. 1716 સુધીનો બોલાયો હતો.

જાડી મગફળીના બજાર ભાવ (Magfali Bajar Bhav):

ઝીણી (નવી) મગફળીના બજાર ભાવ (Magfali Bajar Bhav):

દરરોજના બજાર ભાવ જાણવા માટે અમારું ફેસબુક પેજ ફોલો કરો.