નવી મગફળીના ભાવમાં ભુક્કા બોલાવતી તેજી: આજનો ઉંચો ભાવ રૂ. 1724, જાણો આજના મગફળીના બજારભાવ

મગફળીની બજારમાં સરેરાશ ભાવ અથડાય રહ્યા છે. સારી ક્વોલિટીમાં લેવાલી સારી છે અને સામે વેચવાલી ઓછી હોવાથી તેનાં ભાવ સરેરાશ મજબૂત રહ્યાં હતાં. મગફળીમાં આગળ ઉપર દાણા અને સીંગતેલની બજારો સારી રહેશે તો બજારમાં સુધારાની ધારણાં છે.

મગફળીનાં વેપારીઓએ જણાવ્યું હતું કે, વર્તમાન સંજોગોમાં બજારમાં સરેરાશ ભાવ અથડાય રહ્યા છે, પંરતુ આગામી દિવસોમાં બજારો હજી થોડા સુધરી શકે છે. નવા વર્ષની રજાઓ બાદ આગામી સપ્તાહે જો સીંગદાણામાં નિકાસ વેપારો નીકળશે તો બજારમાં વધુ સુધારો આવશે.

જાડી મગફળીના બજાર ભાવની વાત કરીએ તો, ગઈ કાલે તારીખ 29/12/2022 ને ગુરુવારના રોજ ગોંડલ માર્કેટ યાર્ડમાં જાડી મગફળીના 13537 ગુણીના વેપારો થયા હતા અને તેના ભાવ રૂ. 800થી 1391 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 7000 ગુણીના વેપારો થયા હતા અને તેના ભાવ રૂ. 900થી 1350 સુધીના બોલાયા હતાં.