નવી મગફળીના ભાવમાં તેજી: આજનો ઉંચો ભાવ રૂ. 1835, જાણો આજના મગફળીના બજારભાવ

મગફળીની બજારમાં મિશ્ર માહોલ જોવા મળી રહ્યો છે. વર્તમાન સંજોગોમાં મગફળીની આવકો ઓછી છે અને જે આવી રહી છે તેમાં સારી ક્વોલિટીની મગફળીની આવકો ઓછી હોવાથી તેનાં ભાવમાં મણે રૂ.10થી 15નો સુધારો થયો હતો, જ્યારે નબળા માલનાં ભાવ સ્ટેબલ રહ્યાં હતાં.

મગફળીનાં અગ્રણી બ્રોકરો કહે છે કે, હવે તમામ સેન્ટરમાં આવકો ઓછી થાય છેઅને આગામી એક સપ્તાહમાં જો આવકો વધવાની હશે તો વધી જશે, નહીંતર પાક ઓછો છે એવું માનીને તેજીવાળા સારી ક્વોલિટીની મગફળી એકઠી કરતા જશે. સ્ટોકિસ્ટો પણ નીચા ભાવથી વેચાણ કરવા નહીં આવે, પરિણામે મગફળીમાં બજારો વધુ ઘટશે નહીં, પરંતુ જો માલ આવશે તો બજારો ઘટશે. હાલ સાઉથનાં માલની આવકો પણ શરૂ થઈ હોવાથી તેની સેન્ટીમેન્ટલી અસર થઈ શકે છે. આગામી દિવસોમાં સીંગતેલની બજાર ઉપર મોટો આધાર રહેલો છે.

જાડી મગફળીના બજાર ભાવની વાત કરીએ તો, ગઈ કાલે તારીખ 08/12/2022 ને ગુરુવારના રોજ ગોંડલ માર્કેટ યાર્ડમાં જાડી મગફળીના 14049 ગુણીના વેપારો થયા હતા અને તેના ભાવ રૂ. 830થી 1331 સુધીના બોલાયા હતાં. જ્યારે જામનગર માર્કેટ યાર્ડમાં જાડી મગફળીના 6100 ગુણીના વેપારો થયા હતા અને તેના ભાવ રૂ. 900થી 1225 સુધીના બોલાયા હતાં.