નવી મગફળીના ભાવમાં તેજી: આજનો ઉંચો ભાવ રૂ. 1950, જાણો આજના મગફળીના બજારભાવ

મગફળીની બજારમાં વેચવાલી ઘટી ગઈ છે. ગોંડલમાં હવે પેન્ડિંગ માલો પડ્યાં નથી અને સરેરાશ ભાવમાં સ્થિરતા જોવા મળી હતી. સીંગદાણાનાં ભાવમાં ઘરાકી હોવાથી તેમાં ટને રૂ. 500થી 1000 વધ્યાં હતાં, જેની અસરે પણ મગફળીની બજારો પણ ટકી રહી છે. સીંગતેલમાં ખાસ દમ નથી,પરંતુ મગફળીની બજારો હાલ ઘટી જાય તેવા પણ સંજોગો નથી.

મગફળીનાં વેપારીઓ કહે છે કે, બજારનો ટોન મિશ્ર છે. બજારમાં જેવી ક્વોલિટી આવે છે તેવી મુવમેન્ટ જોવા મળે છે, બજારમાં ખાસ કોઈ મોટો વધારો થાય કે મોટી મંદી થાય તેવા સંજોગો નથી. આવકો ઘટ રહી છે, પરંતુ સામે જોઈએ એવી માંગ પણ જોવા મળતી નથી, પરિણામે બજારને ટોન હાલ પૂરતો મિશ્ર દેખાય રહ્યો છે..

જાડી મગફળીના બજાર ભાવની વાત કરીએ તો, ગઈ કાલે તારીખ 09/12/2022 ને શુક્રવારના રોજ જુનાગઢ માર્કેટ યાર્ડમાં જાડી મગફળીના 2657 ગુણીના વેપારો થયા હતા અને તેના ભાવ રૂ. 1050થી 1338 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 5300 ગુણીના વેપારો થયા હતા અને તેના ભાવ રૂ. 850થી 1270 સુધીના બોલાયા હતાં.