નવી મગફળીના ભાવમાં તેજી: આજનો ઉંચો ભાવ રૂ. 1840, જાણો આજના મગફળીના બજારભાવ

મગફળીની રાજકોટ અને ગોંડલમાં આજે એક-એક લાખ ગુણી ઉપરની આવક હતી, પંરતુ ઓલઓવર અત્યારે ભર સિઝને આવકો ઓછી છે, જે બતાવે છે કે મગફળીનો પાક ઓછો છે. સીંગદાણાનાં કારખાનેદારને મગફળી મળતી ન હોવાથી તેઓ રાજસ્થાન તરફ વળ્યા છે અને રાજસ્થાનથી દૈનિક ધોરણે સારા વેપારો થઈ રહ્યાં છે. રાજસ્થાનની મગફળીમાં સૌરાષ્ટ્ર પહોંચમાં રૂ.65થી 68 પ્રતિ કિલોનાં ભાવથી વેપારો થાય છે, જે મુજબ મણનાં ભાવ રૂ.1300થી 1360 વચ્ચે થાય છે.

રાજસ્થાનની મગફળીનાં વેપારો આગામી દિવસોમાં વધે તેવી પણ સંભાવનાં રહેલી છે. ગુજરાતમાં મગફળીની આવકો હવે ઘટવા લાગી છે. ડીસામાં પણ આવકો ઘટીને 35 હજાર ગુણીની અંદર આવી ગઈ છે. આગામી દિવસોમાં હવે દિવસે-દિવસે આવકો ઘટતી જશે. બીજી તરફ ચૂટણી હોવાથી આંગડીયા બંધ હોવાથી રોકડનાં વ્યવહારો ઠપ્પ થઈ ગયા હોવાથી પણ વેપારો અત્યારે ધીમા જોવા મળી રહ્યાં છે. હવે ડિસેમ્બરમા જ ચૂંટણી પૂરી થયા બાદ વેપારો નીકળે તેવી ધારણાં છે.

જાડી મગફળીના બજાર ભાવની વાત કરીએ તો, ગઈ કાલે તારીખ 17/11/2022 ને ગુરુવારના ગોંડલ માર્કેટ યાર્ડમાં જાડી મગફળીના 22037 ગુણીના વેપારો થયા હતા અને તેના ભાવ રૂ. 830થી 1326 સુધીના બોલાયા હતાં. જ્યારે જામજોધપુર માર્કેટ યાર્ડમાં જાડી મગફળીના 6000 ગુણીના વેપારો થયા હતા અને તેના ભાવ રૂ. 1000થી 1250 સુધીના બોલાયા હતાં.

ઝીણી મગફળીના બજાર ભાવની વાત કરીએ તો, ગઈ કાલે તારીખ 17/11/2022 ને ગુરુવારના રોજ ડિસા માર્કેટ યાર્ડમાં ઝીણી મગફળીના 26896 ગુણીના વેપારો થયા હતા અને તેના ભાવ રૂ. 1151થી 1450 સુધીના બોલાયા હતાં. જ્યારે પાલનપુર માર્કેટ યાર્ડમાં ઝીણી મગફળીના 24041 ગુણીના વેપારો થયા હતા અને તેના ભાવ રૂ. 1100થી 1521 સુધીના બોલાયા હતાં.

મગફળીના સૌથી ઉંચા બજાર ભાવની વાત કરીએ તો, ગઈ કાલે તારીખ 17/11/2022 ને ગુરુવારના રોજ જાડી મગફળીનો સૌથી ઉંચો ભાવ વિસાવદર માર્કેટ યાર્ડમાં રૂ. 1476 સુધીનો બોલાયો હતો તેમજ ઝીણી મગફળીનો સૌથી ઉંચો ભાવ જામનગર માર્કેટ યાર્ડમાં રૂ. 1840 સુધીનો બોલાયો હતો.

જાડી મગફળીના બજાર ભાવ (Magfali Bajar Bhav):

ઝીણી (નવી) મગફળીના બજાર ભાવ (Magfali Bajar Bhav):

દરરોજના બજાર ભાવ જાણવા માટે અમારું ફેસબુક પેજ ફોલો કરો.