નવી મગફળીના ભાવમાં ભારે ઉછાળો: આજનો સૌથી ઉંચો ભાવ રૂ. 1710, જાણો આજના મગફળીના બજારભાવ

નવી મગફળીની આવકો સમગ્ર ગુજરાતમાં ધારણાંથી વધુ સોમવારે આવી ગઈ હતી. એકલા ગોંડલમા જ એક લાખ ગુણીની આવક થઈ હતી, જોકે વેપારો પૂરતા ન થયા હોવાથી બજારમાં નરમાઈનો ટોન હતો.

મગફળીનાં વેપારીઓ કહે છે કે, સૌરાષ્ટ્રનાં અમુક ગામડામાં ફરી વરસાદ ચાલુ થયો છે જો હજી પણ બે-ચાર દિવસ વરસાદ આવશે તો મગફળીની આવકોને બ્રેક લાગી શકે છે. પરિણામે સારા માલનાં ભાવમાં બહુ ઘટાડો થયો નહોંતો, વળી હજે આવકો થઈ રહી છે, તેમાં પણ સુકા માલ બહુ ઓછા આવે છે, પરિણામે સરેરાશ બજારનો ટોન હાલ પૂરતો સરેરાશ મિશ્ર દેખાય રહ્યો છે.

જાડી મગફળીના બજાર ભાવની વાત કરીએ તો ગઈ કાલે તારીખ 26/09/2022 ને સોમવારના રોજ રાજકોટ માર્કેટ યાર્ડમાં જાડી મગફળીના 7000 ગુણીના વેપારો થયા હતા અને તેના ભાવ રૂ. 975થી 1295 સુધીના બોલાયા હતાં. જ્યારે ગોંડલ માર્કેટ યાર્ડમાં જાડી મગફળીના 28503 ગુણીના વેપારો થયા હતા અને તેના ભાવ રૂ. 900થી 1346 સુધીના બોલાયા હતાં.