નવી મગફળીના ભાવમાં તેજી: આજનો ઉંચો ભાવ રૂ. 1950, જાણો આજના મગફળીના બજારભાવ

મગફળીની બજારમાં સરેરાશ ભાવ અથડાય રહ્યાં છે. સૌરાષ્ટ્રમાં ચૂંટણીની તારીખો નજીક આવી રહી હોવાથી મગફળીની આવકને પણ અસર પહોંચી છે અને ભાવમાં સરેરાશ પીઠાઓમાં રૂ.10થી 20ની વધઘટ ક્વોલિટી મુજબ જોવા મળી હતી. સીંગતેલનાં ભાવ ઘટી રહ્યાં હોવાથી મગફળીની બજારો પણ સરેરાશ નીચી આવે તેવી સંભાવનાંઓ વધારે દેખાય રહી છે.

મગફળીનાં બ્રોકરો કહે છે કે હાલ મગફળીની આવકો ઓછી થવા લાગી છે. સૌરાષ્ટ્રમાં ચૂંટણી અને લગ્નગાળાની સિઝનને કારણે ઘટી છે, પંરતુ ઉત્તર ગુજરાતનાં દરેક સેન્ટરમાં સરેરાશ મગફળીની આવકને અસર પહોંચી છે અને ત્યાં હવે દશેક દિવસમાં સિઝન પણ પૂરી થઈ જાય તેવી ધારણાં છે. મગફળીનાં ભાવ આગામી થોડા દિવસ ઠંડા રહે તેવી ધારણાં છે પરંતુ હવે બહુ મોટી મંદી એમા દેખાતી નથી.

જાડી મગફળીના બજાર ભાવની વાત કરીએ તો, તારીખ 26/11/2022 ને શનિવારના ગોંડલ માર્કેટ યાર્ડમાં જાડી મગફળીના 17340 ગુણીના વેપારો થયા હતા અને તેના ભાવ રૂ. 800થી 1311 સુધીના બોલાયા હતાં. જ્યારે હળવદ માર્કેટ યાર્ડમાં જાડી મગફળીના 3707 ગુણીના વેપારો થયા હતા અને તેના ભાવ રૂ. 1101થી 1351 સુધીના બોલાયા હતાં.